Газіфікацыя індывідуальнага жылога дома

Для павышэння якасці абслугоўвання насельніцтва і спрашчэння працэдуры газіфікацыі газазабеспячальнай арганізацыяй ажыццяўляецца аказанне грамадзянам комплекснай паслугі па газіфікацыі прыродным газам аднакватэрнага жылога дома.

Паслугі па газіфікацыі аднакватэрнага жылога дома прыродным газам з аказаннем грамадзяніну комплекснай паслугі аказваюцца на падставе рашэння мясцовага выканаўчага і распарадчага органа аб газіфікацыі аднакватэрнага жылога дома ў адпаведнасці з п.10.3 Пераліка адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26.04.2010 №200, і Інструкцыяй аб парадку ўзаемадзеяння арганізацый, якія ўваходзяць у склад ДВА “Белпалівагаз”, якія ажыццяўляюць аказанне грамадзяніну комплекснай паслугі па газіфікацыі аднакватэрнага жылога дома, з мясцовымі выканаўчымі і распарадчымі органамі, зацверджанай Пастановай Міністэрства энергетыкі Рэспублікі Беларусь ад 22.03.2007 №10, для чаго грамадзянін звяртаецца ў мясцовы выканаўчы і распарадчы орган з заявай аб газіфікацыі жылога дома “пад ключ”, які ў сваю чаргу накіроўвае ў газазабеспячальную арганізацыю названую заяву з даданнем да яе неабходных дакументаў і звестак для газіфікацыі жылога дома. Згодна з прадстаўленымі дакументамі газазабеспячальнай арганізацыяй выконваецца выдача тэхнічных умоў на праектаванне, заключаюцца дагаворы на падрыхтоўку праектна-каштарыснай дакументацыі і выкананне будаўніча-мантажных работ, падключаецца зманціраваная сістэма газаспажывання да існуючага размеркавальнага газаправода і выконваецца пуск газу ў сістэму.

​

У адпаведнасці з п.10.4 Пераліка адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26.04.2010 №200, і Інструкцыяй аб парадку ўзаемадзеяння арганізацый, якія ўваходзяць у склад ДВА “Белпалівагаз”, якія ажыццяўляюць аказанне грамадзяніну комплекснай паслугі па газіфікацыі аднакватэрнага жылога дома, з мясцовымі выканаўчымі і распарадчымі органамі, зацверджанай Пастановай Міністэрства энергетыкі Рэспублікі Беларусь ад 22.03.2007 №10, грамадзянін мае права звярнуцца ў газазабеспячальную арганізацыю з заявай на атрыманне тэхнічных умоў на прыродным газам аднакватэрнага жылога дома.

Пры сабе неабходна мець:

- асабісты пашпарт домаўладальніка;

- тэхнічны пашпарт (ведамасць тэхнічных характарыстык) на жылы дом або праект на дом (для новых аб’ектаў, якія будуюцца);

- дакумент (копію), які сведчыць права на валоданне жылым домам;

- натарыяльна завераны дазвол на падключэнне да газаправода (пры неабходнасці);

- у выпадку пракладкі газаправода па зямельным участку, які не належыць заяўніку – пісьмовы дазвол уладальніка дадзенага зямельнага ўчастка на пракладку газаправода, завераную натарыусам.

Згодна з прадстаўленымі дакументамі на працягу 10 дзён ажыццяўляецца выдача тэхнічных умоў на газіфікацыю.

​

Пасля прыняцця мясцовым выканаўчым і распарадчым органам рашэння аб будаўніцтве новага аб’екта газаразмеркавальнай сістэмы, рашэння аб частковай кампенсацыі сродкаў грамадзянам, якія пабудавалі аб’ект газаразмеркавальнай сістэмы (у выпадках, калі гэта неабходна), і выдачы тэхнічных умоў згодна з Законам Рэспублікі Беларусь ад 04.01.2003 №176-3 “Аб газазабеспячэнні” грамадзянін звяртаецца ў службу заказчыка для заключэння з уласнікам жылога дома дагавора фінансавання на падрыхтоўку праектна-каштарыснай дакументацыі.

На падставе заключанага дагавора фінансавання на падрыхтоўку праектна-каштарыснай дакументацыі заключаецца дагавор на выкананне праектна-вышукальных работ з арганізацыяй, названай у заяве ўласніка жылога дома.

Па гатоўнасці праектна-каштарыснай дакументацыі і аплаты выкананых работ служба заказчыка заключае з уласнікам жылога дома дагавор фінансавання на выкананне будаўніча-мантажных работ.

На падставе заключанага дагавора фінансавання будаўніча-мантажных работ заключаецца дагавор на выкананне будаўніча-мантажных работ з арганізацыяй, названай у заяве ўласніка жылога дома.

Пасля будаўніцтва аб’екта, аплаты выкананых работ і прадастаўлення выканаўчай-тэхнічнай дакументацыі па будаўніцтве сістэмы газазабеспячэння служба заказчыка афармляе неабходныя дакументы для ўводу аб’екта ў эксплуатацыю.

Газазабеспячальная арганізацыя забяспечвае прыёмку закончанага будаўніцтвам аб’екта газаразмеркавальнай сістэмы (газаправода-ўводу) і ўнутрыдамавой сістэмы газазабеспячэння з афармленнем акта здачы сістэмы газазабеспячэння ў эксплуатацыю.

Далей газазабеспячальная арганізацыя заключае з грамадзянінам дагавор на газазабеспячэнне, тэхнічнае абслугоўванне газавага абсталявання і ўнутрыдамавой сістэмы газазабеспячэння і пасля аплаты работ па падключэнні да існуючага газаправода ажыццяўляе пуск газу.

Газіфікацыя індывідуальнага жылога фонду грамадзян шляхам стварэння спажывецкага кааператыва

Згодна з п. 6. “Палажэнне аб газіфікацыі прыродным газам эксплуатаванага жыллёвага фонду грамадзян” на падставе Указа Прэзідэнта Рэспублікі Беларусь №368 ад 02.06.2006 г. “Аб мерах па рэгуляванні адносін пры газіфікацыі прыродным газам эксплуатаванага жыллёвага фонду грамадзян” (далей Указ №368) для будаўніцтва новых аб’ектаў газаразмеркавальнай сістэмы ва ўстаноўленым заканадаўствам парадку могуць стварацца спажывецкія кааператывы.

Пры стварэнні спажывецкага кааператыва Указам №368 устаноўлена, што фінансаванне:

п. 2.2 праектавання і будаўніцтва новых вулічных размеркавальных газаправодаў з газаправодамі-ўводамі для газіфікацыі эксплуатаванага жыллёвага фонду грамадзян, за выключэннем жыллёвага фонду грамадзян у сельскіх і іншых населеных пунктах колькасцю насельніцтва менш за 20 тыс. чалавек, ажыццяўляецца ў памеры:

30 працэнтаў – за кошт сродкаў рэспубліканскага бюджэту, што перадаюцца ў бюджэты абласцей у выглядзе субвенцый на фінансаванне расходаў па будаўніцтве аб’ектаў інжынерна-транспартнай інфраструктуры для раёнаў жылой забудовы, а таксама сродкаў мясцовых бюджэтаў на аснове раўнадольнага ўдзелу, а па горадзе Мінску – за кошт сродкаў мясцовага бюджэту, калі іншыя крыніцы фінансавання не вызначаны Прэзідэнтам Рэспублікі Беларусь;

70 працэнтаў – за кошт сродкаў грамадзян, якім належаць на праве ўласнасці жылыя памяшканні названага жыллёвага фонду, у тым ліку з выкарыстаннем ільготных крэдытаў, якія прадстаўляюцца грамадзянам у парадку, устаноўленым гэтым Указам;

п. 2.3 праектавання і будаўніцтва новых вулічных размеркавальных газаправодаў з газаправодамі-ўводамі для газіфікацыі эксплуатаванага жыллёвага фонду грамадзян у сельскіх і іншых населеных пунктах колькасцю насельніцтва менш за 20 тыс. чалавек ажыццяўляецца ў памеры:

70 працэнтаў – за кошт сродкаў рэспубліканскага бюджэту, што перадаюцца ў бюджэты абласцей у выглядзе субвенцый на фінансаванне расходаў па будаўніцтве аб’ектаў інжынерна-транспартнай інфраструктуры для раёнаў жылой забудовы, а таксама сродкаў мясцовых бюджэтаў на аснове раўнадольнага ўдзелу, калі іншыя крыніцы фінансавання не вызначаны Прэзідэнтам Рэспублікі Беларусь;

30 працэнтаў – за кошт сродкаў грамадзян, якім належаць на праве ўласнасці жылыя памяшканні названага жыллёвага фонду, у тым ліку з выкарыстаннем ільготных крэдытаў, якія прадстаўляюцца грамадзянам у парадку, устаноўленым гэтым Указам;

Спажывецкі кааператыў па газіфікацыі ствараецца шляхам аб’яднання грамадзян. Кааператыў лічыцца створаным i набывае правы юрыдычнай асобы з даты яго дзяржаўнай рэгістрацыі ва ўстаноўленым заканадаўствам парадку.

Для стварэння спажывецкага кааператыва неабходна звярнуцца ў мясцовы выканаўчы, распарадчы орган, які прымае рашэнне аб будаўніцтве новых аб’ектаў газаразмеркавальнай сістэмы для газіфікацыі эксплуатаванага жыллёвага фонду грамадзян, арганізуе працу па прыцягненні сродкаў на будаўніцтва гэтых газаправодаў, а таксама рыхтуе спісы прэтэндэнтаў на атрыманне ільготных крэдытаў.

Крэдытаванне пры будаўніцтве сістэм газазабеспячэння індывідуальнага жылога дома

Згодна з п. 4. “Палажэння аб газіфікацыі прыродным газам эксплуатаванага жыллёвага фонду грамадзян”, зацверджанага Указам Прэзідэнта Рэспублікі Беларусь №368 ад 02.06.2006 г. “Аб мерах па рэгуляванні адносін пры газіфікацыі прыродным газам эксплуатаванага жыллёвага фонду грамадзян” праектаванне і будаўніцтва газаправодаў ад месца далучэння да дзейнага вулічнага размеркавальнага газаправода да адключальнай прылады на ўводзе ў жылы дом і ўнутрыдамавой сістэмы газазабеспячэння можа ажыццяўляцца з прыцягненнем ільготнага крэдытавання.

Ільготныя крэдыты на фінансаванне праектавання і будаўніцтва аб’ектаў газаразмеркавальнай і ўнутрыдамавой сістэм, прадастаўляюцца грамадзянам у памеры да 70% кошту работ, згодна з пералікам выдаткаў, адкрытым акцыянерным таварыствам “Ашчадны банк “Беларусбанк” на тэрмін да двух гадоў са збіраннем працэнтнай стаўкі за карыстанне гэтым крэдытам у памеры 3 працэнтаў гадавых.

Ільготныя крэдыты на газіфікацыю прыродным газам эксплуатаванага жыллёвага фонду прадастаўляюцца грамадзянам, якія з’яўляюцца ўласнікамі жылых памяшканняў па спісах, зацверджаных гарвыканкамамі або райвыканкамамі з захаваннем чарговасці грамадзян, якія маюць патрэбу ў атрыманні ільготнага крэдыту на ўказаныя мэты ў адпаведнасці з датай звароту грамадзяніна.

Для атрымання льготнага крэдыту неабходна звярнуцца ў службу “Адно акно” мясцовага выканаўчага, распарадчага органа (гаррайвыканкам) з пісьмовай заявай.

Парадак падключэння газазабеспячэння ў індывідуальным жылым доме

Урэзка і пуск газу ў індывідуальны (блакіраваны) жылы дом ажыццяўляецца пасля падпісання акта прыёмкі аб’екта ў эксплуатацыю, а таксама пры ўмове:

1. праходжання іх уласнікамі і членамі іх сямей, старэйшых за 12 гадоў, інструктажу ў газазабеспячальнай арганізацыі ў адпаведнасці з правіламі карыстання газам у побыце;

2. перадачы ўласнікам на баланс газазабеспячальнай арганізацыі газаправодаў-уводаў і новых пабудаваных участкаў размеркавальнага газаправода або заключэння дагавораў на іх тэхнічнае абслугоўванне (у выпадку пісьмовай адмовы ад перадачы на баланс) з афармленнем сумесна з газазабеспячальнай арганізацыяй акта падзелу меж тэхнічнага абслугоўвання і балансавай прыналежнасці;

3. заключэння ўласнікам кватэры з газазабеспячальнай арганізацыяй дагавораў на газазабеспячэнне і на тэхнічнае абслугоўванне газавыкарыстальнага абсталявання і ўнутрыкватэрных газаправодаў (у адпаведнасці з формай);

4. падачы заяўкі ў газазабеспячальную арганізацыю на пуск газу ў жылы дом;

5. аплаты работ па ўрэзцы і пуску газу (кошт работ па прэйскуранце, таксама аплата прымененых матэрыялаў).